Hakha peng, Nipi khua ah a phanmi SAC ralhrang pawl nih suhbu pahnih le tangka bawm pakhat an fir, tiah thawng kan theih.
Khuami pakhat nih, “Suhbu pahnih chung i tangka an lak. Pakhat ah ting 4 hrawng a um i, 200 ca tlap thum hrawng lawng an nganh. Cun, minung pakhat i hmatpungttin aa telmi tangka bawm zong a fir,” tiah a chim.
Tangka bawm an lakmi ah hin hmatpungttin le tangka thong 40 hrawng an i tel.
Tangka a zapi an lakmi hi ting 5 hrawng cu a si lai, tiah an ruahdamh. Nipi khua ah SAC ralhrang cu March 17, zaanlei sml. 2:00 hrawng khan an phan.
A cunglei khuami nih, “Inn an bauh ngaingaimi le innkhangh tibantuk cu a um lo. An firmi cu mah lawng kha a si ko,” tiah a chim.
SAC ralhrang pawl Nipi khua an phak hlan ah khuami 200 hrawng cu an zaam dih cang i, 100 hrawng hi ramlak ah an um hna.
