Karen National Union (KNU) tang ah a ummi Cobra ralkap bu cu NUG nih meithal zun 50 a pek hna, tiah Ayeyarwaddy Times nih a langhter.
December 25 ah KNU Brigade (6) hmunram ah a cawlcaangmi Cobra ralkap bu Training limnak an tuah i, cuka hmun ah cun NUG caankarlak Prime Minister Mann Win Khaing Than nih a telpi hna.
Cu training limnak ah cun Mann Win Khaing Than nih aluancia kum khat chung NUG rianṭuannak kong, tlangcungmi hraimtlai hna he rian an ṭuan ṭinak kong, UN le ramdang hna he pehtlaihnak ṭha an ngeihnak kong tibantuk pawl a chimrel.
Cu dih cun Mann Win Khaing Than nih Cobra ralkap bu sin ah an pekmi meithal 50 cu NUG aiawh in Cobra ralkap bu Deputy Commander sin ah apnak a ngei.
NUG nih meithal bawmhnak an pek hna lawng si loin Training a limmi ralkap pawl caah tangka MMK 10,000,000 zong laksawng ah an pek chap hna, tiah theih a si.
