NLD chan Myanmar ramipi President U Win Myint cu Taungngu thonginn ah an ṭhial tiah thonginn he aa naihniammi hna nih Mizzima thawngzamhnak ah an chim.
January 14 ah khan Naypyidaw ah a ummi ralkap sakhaan hmun khat in meng 60 hrawng a hlatnak Taungngu thonginn ah an ṭhial hi a si.
President U Win Myint Taungngu thonginn ah ṭhial a si hnu in Taungngu thonginn chung rawlchanh le parcel chanh tik zong ah ahlan nakin a strict deuh ngaingai tiah an chim.
Atu bantuk in zei ruang ah dah Taungngu thonginn ah President Win Myint hi an ṭhial timi fiang in theih a um lo.
SAC ralhrang nih uknak an lak ni February 1, 2021 ah President U Win Myint cu an tlaih i sualphawtnak pohmah phunphun in tazacuaia si.
