Pu Hrang Hnin Hmuhmi Laitlang kong Thlarau Biaphuan

Pu Hrang Hnin nih atulio kan ram buainak kong he pehtlai in biaphuan a hmuhmi cu a tanglei bantuk hin a si:

“Zaan sumilam 11:30 thlarau bia a rami: Lairam chung bu khat le bu khat i zohchuknak le cungcuan duhnak ruang ah i dohnak a um lai. Cu ruang ah cun Van in khua a rii lai i, ttek a tla lai, ram cu a kaang lai i, khua zong a kaang lai. Cun, kaakip ah tthawl nan si lai i, ka biakinn chung ah nan ka thangtthat kho ti lai lo. Caan tlawmpal telawng hmuhkhat ah thangtthatnak caan nan ngei cang lai. Cun, mangttam le rai nih an den chih hna lai.

Cucaah, hi chung hin nan luat khawh nakding ah ka sin ah rak au u tiah thlarau nih a ti. Hi bia hi atu in voi hnihnak a ka chimh a si cang. Nan au lo a si ahcun hi harnak chung hin nan luat lai lo.”

Pu Hrang Hnin hi Hakha peng, Buanlung khua ah a um liomi kum 75 kan pa pakhat a si. Hi thlarau biaphuan hi a voi 2nk ka hmuhmi a si, tiah ca chung ah a ttial.

A cunglei Pu Hrang Hnin thlarau biaphuan hi amah nih The Chin Journal ah tar ding in Request a kan tuah caah kan tarpiakmi a si. The Chin Journal ruahnak, hmuhning le dirhmun aa tel lo.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!