Ralhriam an Testnak ah PDF Mino Pakhat Nunnak Liam

Sangaing ramtthen PDF hmunkhuarnak hmun khat ah ralhriam an hneksaknak ah PDF mino pakhat a nunnak a liam, tiah Phenix Local Defense Force (PLDF) nih thawngpang an chuah.

PLDF nih anmah tein an sermi bomb kahnak cu February 9 ah hneksaknak an tuah. Hneksaknak an tuah lio ah PLDF mino pakhat fak ngaiin hliamhma a pu (Hmanthlak).

Hliamhma a putmi pate hi Aung San Htay tiah auhmi a si i, PLDF runvennak lei ah bochan ngaimi hruaitu mino a si.

Aung San Htay cu nizaan March 19 ah a hliamhma he a nunnak a liam, tiah PLDF nih thawngpang an chuah.

Atulio SAC ralhrang dohnak ah Sagaing le Magwe ramtthen hrawng hi ralhriam tlamtling in an i hmuh kho hna lo.

Cucaah, anmah tein sermi rocket bomb, meithal le Launcher tibantuk pawl hi SAC ralhrang dohnak ah biapi in an hman hna.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version