Rihkhawdar Kahdohnak ah SAC Ralhrang 5 an Thi

Nihin March 5 zinglei sml. 5:55 ah Falam peng, Rihkhawdar khua SAC ralhrang sakhaan cu miphun ralkap bu fonh nih an kah i, ralhrang 5 an thi, tiah PDF-Zoland nih thawngpang an chuah.

Nihin zinglei kahdohnak ah Chin miphun ralkap bu a simi CNA, CNDF, CDF-Hualngo, CDF-Siyin le PDF-Zoland an i bawm hna.

Kap hnih i kahnak suimilam pakhat le cheu a rau i ralhrang lei hliamhma a pumi zong an tampi tiah an langhter.

Nihin zinglei kahdohnak ruang ah Rihkhawdar khuami 1,000 leng cu India lei Zokhawthar ah an zaam tthan hna.

Kan hnu January 29 zong ah khan Rihkhawdar kahdohnak a rak chuak cang. Cu lio ah cun khuami 1,000 leng an rak zaam hna.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org