Rihkhawdar Khuami 1,000 Leng India lei ah Zaam Than

Nihin March 5 zinglei ah India-Myanmar ramri Rihkhawdar ah kahdohnak a chuah caah khuami 1,000 leng India lei ah an zaam hna, tiah thawng kan theih.

Zinglei sml. 5:00 hrawng ah Rihkhawdar cung ah a ummi SAC ralhrang sakhaan cu miphun ralkap nih an doh i, kahdohnak a chuah hi a si.

Atutan hi Rihkhawdar ah kahdohnak a voi hnihnak a chuah a si cang. Kan hnu January 29 zong ah khan kahdohnak voi khat a rak chuak cang.

January thla chung kahdohnak ruang ah khuami 1,000 leng India lei ah an rak zaam cang.

Nihin zinglei kahdohnak kong he pehtlai in mithi le hliampu an um le um lo fiang in theih a si rih lo.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org