Tu zaan November 28 (Myanmar caan) sml. 10:30 ah an chuihmi World Cup group H puai ah South Korea le Ghana an i tong i South Korea an sungh pin ah an coach pa Paulo Bento cu Refree nih Red Card a pek.
Puai a dih hnu ah minute 10 hi Extra Time an pek hna. Ghana nih 3-2 in an tei cang hna. Puai a dih lai taktak te ah South Korea nih Coner chuih ding in caanttha an hmu. Asinain, chuih manh loin Refree Taylor nih puai dihnak fifit a tum ai.
Cucaah, South Korea coach Paulo Bento cu Refree Taylor sin ah dengteo in a vung kal i duhlonak langhter buin fak piin a zai hnawh.
Lukmalak ah Refree Taylor nih a zal chung in Red Card aa chauh i, Paulo Bento cu a thlir hnawh colh ko. Atutan puai hi Ghana le South Korea caah teinak hmuh ding in abiapi tukmi a si.
South Korea cu mark 1 in tang bik ah aa thlai cang. Round (16) Knock Out puai ah kai khawh ding in South Korea caah ruahchannak a tlawm ngai cang.
Aralaimi puai ah Uruguay le Ghana an sungh lawnglawng ah South Korea caah ruahchannak a um. Cu hmanh ahcun goal uak deuh in sut khawh aa zuam a hau hnga. December 2 ah South Korea le Portugal an i cil te lai.
