Nizaan January 12 ah Kayin ramkulh, Lutaw peng, Laywa khuate ah SAC ralhrang nih biakinn cung ah vanlawng in bomb a thlak caah biakinn chung ah aa dupmi pastor pahnih le a dang minung 3 an nunnak a liam, tiah Free Burma Rangers dirhtu/haotu David Eubank nih a chim.
A thimi minung 5 ah aa telmi hna cu Baptist senior pastor (Reverence), Roman Catholic assistant pastor, kum 3 ngakchiate le a nu, khuami pakhat an si hna.
SAC ralhrang vanlawng pahnih nih biakinn cung bomb an thlak lio hi kan mit in kan hmuh, tiah khuami nih an chim.
“Biakinn si loin sianginn cung hna ah tla sual sehlaw siangngakchia tam tuk an nunnak a liam lai. Atu biakinn bomb an thlak hnawhmi zong hi lak awktlak loin a rawk dih cikcek,” tiah David Eubank nih a chim.
Biakinn cung bomb thlak ruang ah pastor pahnih telh in minung 5 an nunnak a liam pin ah khuami tampi zong an i hliam hna.
Bomb thlak hnawh a tongmi Laywa khuate kiangkap i a dangdang khuami pawl zong thinphang thlalau in an um caah hmun dangdang ah an zaam hna, tiah RFA nih a langhter.
Support The Chin Journal
The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!