SAC nih Dr. Sasa Telh in Minung 11 Kawlrammi Sinak Hlihphuahpiak

SAC nih Dr. Sasa telh in NUG vuanci 8 le NUG a dirkamhtu minung 3 cu rammi sinak kan hlihphuahpiak hna, tiah March 4 ah thawngpang an chuah.

SAC nih Myanmar ram uknak an chuh hnu in Dr. Sasa cu NUG chimnak nawlngei le ramdang he pehtlaih rianttuan ttinak lei vuanci a ttuanmi a si.

A dang rammi sinak an hlihphuahpiakmi hna cu: U Yee Mon, U Lwin Ko Latt, Zaw Wai Soe, Zin Ma Aung, Htin Lin Aung, Aung Myo Min, Ei Thinzar Maung, Min Ko Naing, Myo Yan Naung Thein, Eh Pancelo hna hi an si.

U Yee Mon cu NUG runvennak lei vuanci si i, U Lwin Ko Latt cu Minister of Home Affairs (NUG) rian a tlaimi a si.

Cun, fimcawnnak lei vuanci (NUG) a simi Zaw Wai Soe, NUG ramleng vuanci a ttuanmi Zin Mar Aung, NUG pehtlaihnak lei vuanci a simi Htin Lin Aung, NUG nuhrin covo lei vuanci Aung Myo Min, NUG nu/ngakchia/mino lei vuanci changtu a simi Ei Tinzar Maung hna zong rammi sinak hlihphuahpiak an si.

NUG upa hna lawng si lon NUG a dirkamhtu le SAC a dohkalhtu hna lak ah min lang bik a simi minung pathum zong rammi sinak hlihphuahpiak an si ve.

Cu hna cu: Kawl catial thiam le NLD Lobbyist a simi Pencilo, 88 ramkhel thongtla Min Ko Naing le Democracy Activist Myo Yan Naung Thein hna hi an si.

A cunglei minung 11 hi SAC nih Kawlram uknak an chuh hnu in a voi khatnak bik rammi sinak hlihphuahpiak a tongmi an si hna.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!