SAC biaceih zung nih minung 2 thih dantatnak a pek than hna

SAC ralhrang nih nizaan November 24 ah minung pahnih cu thih dantatnak a pek tthan hna, tiah thawngpang kan theih.

Hi pa pahnih nih hin aluancia July 14, 2021 ah Ayerawaddy ramtthen, Pathein khua hlei pakhat tang ah nungak tlangval kawp khat an rak thah hna.

Pathein khua i Hri-Hlei an timi tang ah nungak tlangval kawp khat cu Chit Min Thu le Kyin Aung Htwe timi pa nih an rak kawl hnawh hna i, an thilri an chuh dih hna pin ah an thah hna.

Thilri an firmi pawl cu Kyin Aung Htwe i a nupi nih hmundang ah a zuarpiak hna. Cu nu zong cu an tlaih khawh i thonginn kum 2 thlak ding in dantatnak an pek ve.

Mithah le thilfir sualnak a tuahtu Chit Min Thu le Kyin Aung Htwe cu thihdan an pek hna pin ah kum 10 veve thongthlak chap ding in dantat an si.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org