Local

SAC nih Vanlawng Pahnih in CNA le CDF pawl Bomb Thlak

THE CHIN JOURNAL

November 7, 2022

Nihin November 7, chunhnu sml. 2:00 hrawng ah SAC ralhrang nih Fighter Jet pahnih in Hakha le Thantlang karlak ah CNA le CDF pawl bomb a thlak hna tiah thawngpang kan theih.

Hakha khuami pakhat nih, “Vanlawng pahnih in a tlawm bik voi 3 bomb a thlak hna. Hakha le Thantlang karlak Tenuar tlawng hrawng khan a si. A thawngpang hi a thang ngaingai. Kan inn tiang in a tlerh dih,” tiah a chim.

Nihin ah hin Hakha le Thantlang karlak ah CNA/CDF le SAC ralhrang karlak i kahdohnak a um lo. Zizan ah vanlawng pakhat in SAC ralhrang nih Hakha le Thantlang karlak ah zohfelnak a rak tuah i, atu ni ah vanlawng pahnih in bomb a thlak hi a si.

SAC ralhrang nih vanlawng bomb a thlaknak in miphun ralkap lei in aa hliammi an um le um lo fiang in theih a si rih lo.

Kanhnu October thla thih lei zong ah khan Hakha le Thantlang karlak ah kahdohnak a chuak i, SAC ralhrang nih vanlawng pakhat in voi thum bomb a rak thlak cang.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!

Donate