Falam khua in Rihkhawdar lei ah an tthialmi hna SAC palik pali cu miphun ralkap sin ah (meithla lo) in an i fonh, tiah thawng kan theih.
Hi palik pali hi Chin miphun an si hna i, Lal Tial Thang, Kam Deih Pau, Thang Cuan Mang le Than Pian Pau tiah auhmi an si.
February 26 ah Falam in Rihkhawdar ah helicopter in an kuatmi hna a si.
Miphun ralkap he i doh an duh lo caah sakhaan leng ah rian an fial hna lio (March 6) ah miphun ralkap sin ah an zaam.
An pali ning in le an chungkhar pawl zong himnak hmun ah miphun ralkap nih an kuat cang hna.
