Matupi peng fimcawnnak lutlai Pu Tin Luai cu SAC ralhrang he ttang in CDM a tuahmi hna harnak a pek ruang ah kan thah, tiah CDF-Matupi nih cathanh an chuah.
Pu Tin Luai cu October 16 zaan sml. 8:00 hrawng ah an inn ah CDF-Matupi nih meithal in an kah i a nunnak a liam.
Cu kong he pehtlai cun CDF-Matupi nih, “Pu Tin Luai hi SAC ralhrang he ttang tti in CDF a tuahmi hna tlerhkhawnnak a tuah, an mincazin pawl kha a thlithup in SAC ralhrang sin ah a pek, cun CDM hna thlahlawh zong SAC ralhrang captain Win Naing he an i lak,” tiah an langhter.
Cu lawng si loin CDF-Matupi nih ca in voi 3 tiang ralrinnak an pek nain a ngaih lo pin ah CDF-Matupi ralkap pawl tu kha a tlerhkhawn chin hna.
Cucaah, CDF-Matupi nih mipi leirawitu tiah minchiatnak an pek i a nunnak an lak hi a si.
