SAC Ralhrang nih Mindat Khaute Bomb an Thlak, Khuami 2 Nunnak Liam

SAC ralhrang nih Mindat peng khuate ah vanlawng in bomb an thlak caah khuami pahnih an nunnak a liam, tiah Mindat peng uknak lei bu nih thawngpang an chuah.

Nihin July 2, zinglei sml.11:00 hrawng ah SAC ralhrang nih Fighter vanlawng pahnih in Mindat khuate pahnih bomb in an thlak hi a si.

“Vomtu khua lei in vanlawng a rak kai i, Mindat lei ah a kal lai tiah kan ruah. Asinain, Chiat khuate lei ah a panh. Khuachung i cacawnnak sianginn bomb in a kah. Khuami pahnih an thi. Hliam a pumi zong an tam ngai. Hmun kip ah an zaam cio hna i sii lei mibawmtu pawl tunai bak kha an vung kal,” tiah khuami pakhat nih BBC ah a chim.

SAC vanlawng bomb ruang ah khuami pahnih an nunnak a liam i hliamhma a pumi zong an tampi, tiah an langhter chap.

Khuachung ah a ummi sianginn le biakinn i sel in bomb an thlak hi a si, tiah Mindat peng uknak lei bu thawngthanhnak ah an langhter.

Atutan hi SAC ralhrang nih Mindat peng chung kahdohnak ah a voi 2nk vanlawng a hman a si.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org