SAC thimnak ah aa telmi pawl CDF-Hakha council nih ralrin pek

SAC ralhrang nih tuah an timhmi thimnak ah bawmhnak a petu hna le aa teltum mipi hna sin ah CDF-Hakha Council nih ralrin peknak cathanh nihin zinglei ah a chuah.

Nizaan January 8 ah khan SAC ralhrang nih Hakha khuachung ah an i chokvak i thimnak caah innchungkhar cazin laknak tuah ding in thawng an thanh.

SAC ralhrang thimnak a bawmtu le aa telmi hna cu mipi ral na si tiah hmuh nan si lai i, thihnak le hliamtuarnak an in sual ahcun tuanvo kan la lai lo tiah an langhter.

“Min Aung Hlaing le a ralhrang cozah nih tuah an timhmi thimnak cu CDF-Hakha Council nih Hakha peng chung ah tuah kan duh lo. Cucaah cu thimnak a tlamtlin nakding ah aa telmi paoh, a tawlreltu zung le minung, aa telmi party le pumpak, vote a pemi hna cu ralhrang ralkap bantukin mizapi ral nan si, tiah fakpi in dantat nan si lai. Ralhrang pawng ah a um i anmah he riantuan ti ruang ah mizapi thihnak le hliamtuar nan um ahcun tuanvo kan la lai lo. Cu thimnak a duh lo i a dotu paoh he rian kan tuan ti lai tiah mizapi sin ah thawng kan in thanh hna,” tiah CDF-Hakha Council nih thawngthanhnak an tuah.

Nihin January 9 zinglei thawk khan SAC ralhrang pawl congh buin thimnak caah cazin laknak tuah hram an thawk, tiah thawngpang kan theih.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version