SAC Vanlawng Kahnak in a Thimi Miruak an Hmuh Chap Hna

Kachin ramkulh, Hpakanh peng ah SAC ralhrang nih vanlawng in an kah hnanak ah a nunnnak a liammi miruak 80 hrawng cu nihin October 24 zaanlei tiang ah an hmuh cang hna, tiah Kachin Media KNG nih a ttial.

Nihin chun sml. 1:30 tiang hrawng ah khan miruak 58 an hmuh i, atu zaanlei ah miruak 20 an hmuh chap caah a thimi miruak an charmi hi ruak 78 a si cang tinak a si.

Hliamhma a pumi an tampi nain Myitkyinha sizung lei ah kalpi ding in SAC ralhrang nih an onh hna lo caah awlokchong in an um hna.

Nizaan October 23, zaan sml. 8:40 ah khan KIO/KIA an dirhnak kum 62 tlin camtuak hlasaknak puai (Concert) an tuah i, cu hlasak puai lio ah cun SAC ralhrang nih finghter vanlawng pathum in an rak kah hna caah atu bantuk hin mithi le hliampu an tamnak hi a si.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org