Tangka kong ah Lemcang Moe Moe Myint Aung nih a vapa a then

Chungkahr tangka kong he pehtlai in Myanmar ram lemcang minthang bik pakhat a simi Moe Moe Myint Aung nih a vapa U Maung Maung Kyaw cu phungning in a tthen, tiah theih a si.

Moe Moe Myint Aung le a vapa an i tthennak kong cu November 24 chuak Myanmar Alin thawngzamhnak ah Moe Moe Myint Aung a hawinu nih a langhter.

“Ka hawi Moe Moe Myint Aung nih hin a vapa U Maung Maung Kyaw hi nupi pakhat dirhmun tein kum caan saupi a umpi ko. Asinain, U Maung Maung Kyaw nih hin Moe Moe Myint Aung theih loin tangka kong buaibainak a chuahpi lengmang. Cucaah ka hawi Moe Moe Myint Aung nih a ngaihthiam khawh ti lo caah November 24 thawk in phungning in an i tthen cang,” tiah a langhter.

Moe Moe Myint Aung le U Maung Maung Kyaw hi aluancia 1987 ah chungkhar an rak dirh. Tangka kong ah an i tthen cang tik ah tu hnu U Maung Maung Kyaw i tangka kong buaibainak ah Moe Moe Myint Aung hi pehtlaihnak a ngei ti lai lo, tiah ca an chuahmi ah an langhter chap.

Hi kong he pehtlai hin media lei zong nih Moe Moe Myint Aung te sin ah biahalnak phunphai rak kan tuah hram hlah u, tiah nawlpatnak zong an ttial chih.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version