Tanphu Khua Pawng ah Khanghmi Ruak 3 an Hmuh, Laimi Nufarual an si Kho

Kalay peng, Tanphu khua pawng lo chung ah SAC ralhrang nih an khanghmi ruak an hmuh i, SAC ralhrang nih Chawngkhuah ralzaam an tlaihmi hna nufarual 3 ruak an si kho, tiah CDF-KKG nih thawngpang an chuah.

Nizaan February 23 ah Chanwgkhuah khuasa Laimi ralzaam nufarual (kum 40 hringtu nu le kum 14 le kum 16 a simi a fanule pahnih) cu SAC ralhrang nih an tlaih hna i Tanphu khua lei ah an kalpi hna.

“SAC ralhrang nih an thah hna hnu ah thlaam chung ah mei in an khanghmi hna a si kho,” tiah CDF-KKG nih an langhter.

Khuami pakhat nih, “An thil a kaang thai lomi kan hmuh hna i anmah nufarual an si ko ti khawh a si. An kee zong cincik in an hren hna. Tlaihrem hna an tong kho tiah kan ruahdamh,” tiah a chim.

Local People. Local Stories.

© 2022 The Chin Journal. All Rights Reserved.

Pyidawtha, Hakha, Chin State

Contact: tcj@chinjournal.org