April-December 2021 tiang ah Chin ramkulh chung hmunkip kahdohnak ah SAC ralhrang minung 1,029 an thi i, mipi runvengtu ralkap bu CNA, CDF, CNDF le PDF lei in minung 58 nih an nunnak an pek ve, tiah Chinland Joint Defense Committee (CJDC) nih nihin January 26 ah thawngpang an chuah.
Thla 9 chung ah Chinram ah kahdohnak voi 184 a chuak. Mindat peng ah kahdohnak voi 60 tiang a chuak i kahdohnak voi tam bik a umnak peng a si.
Ralhriam tlai lo misawhsawh a nunnak a liammi minung 27 zong an um ve, tiah CJDC nih an langhter.
CJDC ah Chin ramkulh chung mipi runvengtu ralkap bu CNF, CNDF, CDF-Hakha, CDF-Thantlang, CDF-Mindat, CDF-Matupi, CDF-Kanpetlet, CDF-Paletwa, CDF-Tonzang, CDF-Dai, CDF-Zotung, CDF-Mara, CDF-KKG, CDF-Hualngo, CDF-Zophei, PDF-Zoland le CDF-Lautu hna an i tel.
