Timit pawng Kahdohnak ah CNA Ralkap 3 Nunnak Liam

Nizan October 13 zinglei ah a cangmi Hakha-Thantlang karlak, Timit pawng kahdohnak ah CNA ralkap pathum nih ram le miphun caah an nunnak an pek, tiah thawngpang kan theih.

Zinglei sml. 10:00 hrawng ah SAC ralhrang nih lampi in an bawh hna i, Hakha-Thantlang lampi in a rak rami CNA ralkap pawl cu rello in an kah hna.

CNA ralkap pathum an thi i, an meithal pahnih, motor bomb kahnak (Seinpyaung) pakhat le motor bomb kuan 7 cu SAC ralhrang ni han lakpiak hna.

October 13 zaanlei ah CNA le CDF nih Hakha Education College ah hmun a khuarmi SAC ralhrang pawl cu an vung kah hna i, SAC ralhrang lei in a thimi le hliam a pumi an tam lai tiah zumh a si.

Hakha Education College kahdohnak ah hin CDF hin ralkap pakhat nih a hunnak a pek ve. Cucaah, October 13 ah a cangmi voi 2 kahdohnak ah kan miphun ralkap nih minung 4 nih ram le miphun caah an nunnak an pek.

Hnubik Thawngpang

January 10 – Camp Victoria ah nunnak a pemi CNA ralkap hna

January 10 ah Camp Victoria cu SAC ralhrang nih vanlawng in an run kah taktak i CNA ralkap nu 2 le pa 3 nih miphun luatnak rian an tuan cuahmah lio ah a kan liamtak. January 11 ah SAC ralhrang nih Camp Victoria cu a voi 2nk a kah than.

FEATURE STORY

English Version