Tonzaang peng Bing cin a karh, Indai lei in an rak cawk

Chin ramkulh Tonzaang peng ah SAC ralhrang uknak hnu in Bing cinthlaknak a karh tiah RFA nih nihin ah a ṭial.

Tonzaang peng ah hin ahlanlio piin Bing an rak cin tawn ko. Asinain, SAC ralhrang uknak hnu in Bing an cinmi acre hi a karh chinchin.

Ralkap uknak tang ah pawcawmnak a har khun tik ah hlanlio an rak cin tawnmi Fangvoi le Facang nih pawcawmnak a khah khawh tik ah atu bantuk in Bing cin hi a karh chinchinnak a si, tiah khuami pakhat nih RFA ah a chim.

Tongzaag peng Bing cingtu lothlo pakhat nih Bing thling a ziah lio.

“Abikin khuate lei deuh ah an cin hna. Inndawng pakhat nih a tlawm bik Bing cinnak acre 2 cio le a tam bik acre 30 tiang in an ngei hna. Chungkhar milu tam deuh nih cun tampi an cin khawh,” tiah khuami pakhat nih a chim.

Tonzaang peng ah hin 1980 hnu ah Bing hi an rak cin thawk i, atu ah cun Tongzaang peng khuate 30 hrawng nih pawcawnnak tangka hmuhnak caah an cin cang hna.

Bing an cinmi pawl cu India ram lei in Bing a chuangtu pawl nih an rak cawk tawn hna. Cuai khat ah Myanmar tangka ting 20 tiang in an zuar khawh, tiah RFA nih a langhter.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!