Tu zaan South Korea he puai ah Ronaldo a chuih lo kho

Tu zaan (Myanmar caan) sml. 9:30 ah an chuih dingmi South Korea le Portugal puai ah Portugal hmaikal Christiano Ronaldo hi a chuih lo kho men, tiah Rueters thawngzamhnak le Sports lei thawngzamhnak tampi nih an ṭial hna.

Reuters nih cun “Tu zaan South Korea he puai ah Ronaldo aa tel le tel lo hi 50-50 a si,” tiah a langhter. Chimduhmi cu a tel zong aa tel lo kho i, a tel zong aa tel kho tiah a langhter duhnak a si.

Nizan tihni ah an tuahmi Portugal Team training zong ah Ronaldo hi a hawile he aa tel lo. Asinain, amah lawng in a dang tein training a tuah, tiah minthang Sports website “Goal” nih a ṭial.

Portugal caoch Fernando Santos nih, “Cacawn nithum training zong ah a ra lo. South Korea puai ah aa tel lai le tel lo fiang in kan chim kho rih lo. Nihin a training kan zoh lai i, i tel awk ah a fit le fit lo bia kan chah te lai. ” tiah cacawn nili ni ah a chim.

Atulio World Cup Group H ah Portugal, South Korea, Uruguay le Ghana an i tong hna. Portugal nih Uruguay an tei hna hnu ah mark 6 in top ah an dir i, South Korea he puai ah an sungh zong ah Knock Out Round ah an kai kho cia cang.

South Korea le Portugal puai Lineups cu chuih lai ah an tar telai caah Ronaldo hi tu zaan puai ah a tel hrimhrim lai lo tiah chim awk a ṭha lo.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!