Nihin March 1 ah UN Conference tonpumhnak cu Switzerland ram, Geneva khua ah an tuah i, Russia ramleng vuanci Sergey Lavrov nih biachimnak a thawk lecangka in EU chungtel ram aiawhtu hna le US hawikom ram aiawhtu hna nih a biachim lio ah an chuahtak dih colh.
Russia ramleng vuanci biachim lio ah an chuahtak dihmi video cu France aiawhtu pa pakhat nih a tar i, “Ukraine he kan dir tti timi langhternak ca ah Minister Lavrov biachim lio ah kan chuahtak dih,” tiah a ttial.
Nihin UN Conference ah Russia cu minung pum in rak kai lo in video call tu in tonpumhnak a kai.
Cu kong he pehtlai cun Minister Lavrov nih, “EU nih Russia cung ah a tuahmi sipuazi dantatnak hi cohlan khawh hrimhrim a si lo caah punpak in tonpumhnak ah kan kai lonak a si,” tiah a chim
