US nih PDF le EAOs pawl bawmh ding in a pentlaih hna

Myanmar ramchung SAC ralhrang a domi tlangcungmi hriamtlai hna (EAOs) le PDF pawl bawmhnak pek ding in pehtlaihnak kan tuah cio cang, tiah US ramleng vuanci zung ah ruahnak petu a simi Derek Chollet nih VOA he biaruahnak ah a chim.

Myanmar ramchung PDF, EAOs le CDM a tuahmi pawl bawmhnak kong aa telmi upadi (National Defense Authorization Acts-NDAA) cu December 2022 ah US President Joe Biden nih minsen a thut i a fehter.

NDAA budget chung ah $136 million hi Myanmar ram PDF, EAOs le CDM bawmh nakding ah timhtuahmi cu a si. Myanmar ram Democracy cawlcanghnak rian ah hriamtlaih in a cawlcaangmi PDF le EAOs pawl cu Technology le mithahnak a si lomi bawmhnak (non-lethal assistance) pek ding in US nih timhtuahnak a ngei.

Cu pin ah, Myanmar ram democracy cawlcanghnak ah ramleng bawmhnak a um chinchin nakhnga le SAC ralhrang buarmi sualtuahnak pawl a hlathlai i a phozartu zatlangbu hna sin zong ah bawmhnak pek ding in timhtuah a si ve.

Atulio Myanmar rammi thahnawnnak ah SAC ralhrang nih an hmanmi ralhriam pawl hi abikin Russia sin in SAC nih a hmuhmi an si hna.

Cucaah, Russia nih SAC hi bawmhnak a pek lengmang rih ahcun Myanmar mipi hi let hnih in kan bawmh hna lai, tiah Derek Chollet nih VOA he biaruahnak ah a chim chap.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!