World Cup puai 5 ah Goal 5 pehzul in a sut khotu Ronaldo

Ram aiawh in World Cup puai 5 ah pehzul in goal 5 tiang a kawl khotu vawleicung bawlungchuaih thiam cu Christiano Ronaldo lawng hi a si rih.

Atulio Qatar ram ah an tuah cuahmahmi World Cup ah Portugal le Ghana cu November 24 ah an chuih. Ronaldo caah a voi 5nk Portugal ram aiawh in a chuih a si bang in World Cup puai 5 a chuihmi chung ah goal 5nk a sutnak zong a si.

Atu tiang vawleicung tuanbia ah Ronaldo lawnglawng hi World Cup puai 5 ah hrelh loin Goal 5 tiang a sut khotu minung a si rih.

Nizan Ghana he puai ah Ronaldo cu Portugal Team captain dirhmun in a chuih i, penalty an ngahmi in Portugal ca ah ahmasabik goal a sutpiak hna.

World Cup ah an ram aiawh in goal 5 tiang a sut khawhmi kong he pehtlai in Ronaldo nih, “Ka nunnak ah a sunglawi tukmi caan a si. World Cup a goal 5nk ka sut zong a si. Ghana he puai ah kanmah lei kan in celh ning a ttha ngai tiah ka hmuh. Kan tei hna. Abiapi tukmi teinak a si,” tiah a chim.

Aluancia ni tlawmpal ah khan tlamtlinlonak a um caah Ronaldo cu Manchester United in ruah lo piin a chuak. Cu kong he pehtlai cun bia an hal chap tik ah hitihin a leh hna:

“Abiapimi cu atutan World Cup ah Portugal nih teinak kan hmuh khawhmi hi a si ko. Cu nakin zeidang abiapimi ka caah a um lo,” tiah Manchester United in a chuahmi kong cu biapi lo ah a chiah.

Aluancia 2006 ah Ronaldo nih an ram caah a voi khatnak bik World Cup goal a rak sut. Cu dih hnu cun 2010, 2014, 2018 le atu 2022 ah pehzul in goal 4 a sut chap hna.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!