National

Zarh 2 Chung Kaya Ramkulh ah SAC Ralhrang 80 Leng an Thi

THE CHIN JOURNAL

September 15, 2022

Atu September 1-14 tiang, zarh 2 chung ah Kaya (Karenni) ramkulh chung kahdohnak ah SAC ralhrang 85 an thi, tiah Karenni hriamtlai KNDF nih thawngpang an chuah.

September thla thawk in Shan ramkulh le Kaya ramkulh aa tonnak hmunhma Moebe khua le Kaya ramkulh chung ah kahdohnak voi tam ngai a chuak i SAC ralhrang lei in ralbawi cheukhat telh in minung 85 an thah khawh hna hi a si.

September 8 in 12 karlak ah a cangmi kahdohnak hi a fak khun. Cu kahdohnak ah cun Karenni Army (KA), PDF-Moebe, PDF-Phekhon, KRU, URF, PDF-Naypyidaw, KNDF le Karenni GZ pawl an i bawm hna.

SAC ralhrang pawl hi Moebe khua i Khrihfa biakinn ah an riak hna i, vanlawng zong in Moebe khuachung ah bomb an thlak caah inn 100 hrawng an rawk hna.

Kap hnih kahdohnak ah Karenni mipi ralkap lei in a tlawm bik minung 2 nih ram le miphun caah an nunnak an pek ve.

Karenni mipi ralkap lei nih SAC ralhrang an nung in an tlaihmi hna zong an um bang in ralhriam zong tam ngaingai an lakpiak khawh hna.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!

Donate