Zarh 2 fai chung ah KNU nih SAC ralhrang 48 an ṭhiam hna

Atu November zarh 2 hrawng chungte ah Kayin ramkulh chung ah KNU/KNLA le SAC ralhrang kahdohnak voi 30 a chuak i SAC ralhrang 48 an thi, tiah KNU nih November 26 ah thawngpang an chuah.

November 1 in 16 tiang ah KNU/KNLA hmunram, Beik-Htwai district ah kahdohnak voi 30 tiang a chuah hi a si. SAC ralhrang 48 an thih bang in a dang hliamhma a pumi 26 zong an um tiah an langter chih.

KNU cu Karen National Union tiah ti a si i, cu KNU tang ah cun Karen National Liberation Army (KNLA) timi le Karen National Defense Organization (KNDO) timi hriamtlai bu hnih hi an um.

“SAC ralhrang nih Beik-Htwai district chung ah ral lei cawlcanghnak an tuah zungzal caah KNLA le KNDO nih an kah hna. Kahdohnak ah KNLA le KNDO lei in ralkap 2 an nunnak a liam i, ralkap 4 hliam an pu ve,” tiah cathanh ah an langhter.

January 2022 thawk in atu November 16 tiang fonh in cun Beik-Htwai district chung lawnglawng ah hin KNLA/KNDO le SAC ralhrang karlak ah kahdohnak 123 a chuak cang.

Cu kahdohnak chung ah cun SAC ralhrang lei in minung 246 an thi i, a dang 239 hliamhma an pu hna. KNLA/KNDO lei in ralkap 14 nih ram caah nunnak an pek bang in a dang 7 hliamhma an pu ve hna.

Support The Chin Journal

The Chin Journal (TCJ) is a small but passionate local news agency with limited income. Over the years, TCJ has played a crucial role in being the voice of the Chin people. We have strived to bring attention to the stories of Chin ethnic minority in Myanmar. However, like many small businesses, we have faced our share of financial struggles. The COVID-19 pandemic and the Myanmar miliatry coup in 2021 have severely impacted our revenue streams, making it difficult for us to continue our vital work without your support. This is why we are seeking donations to keep our news agency operational and continue providing reliable information to our readers. Any amount you can spare will be immensely valuable to us. To donate, click "Donate" button below. It will redirect you to the Donation Page. Thank you for your generosity!